მენიუ

ციტოფლავინი (100გ + 20გ + 10გ + 2გ)/ლ 10მლ ი.ვ. საინექციო ხსნარი ამპულა №10 (2X5)

სავაჭრო დასახელება: ციტოფლავინი (CYTOFLAVIN®)
ჯგუფური სახელწოდება: ინოზინი+ნიკოტინამიდი+რიბოფლავინი+ქარვის მჟავა
სამკურნალო ფორმა: ხსნარი ინტრავენური შეყვანისთვის

შემადგენლობა:
აქტიური კომპონენტები: ქარვის მჟავა 100 გ, ნიკოტინამიდი 10 გ, რიბოქსინი (ინოზინი) 20 გ, რიბოფლავინის ნატრიუმის ფოსფატი (რიბოფლავინი) 2 გ; დამხმარე ნივთიერებები: N-მეთილგლუკამინი (მეგლუმინი) 165 გ, ნატრიუმის ჰიდროქსიდი 34 გ, საინექციო წყალი – 1,0 ლიტრამდე.

აღწერილობა:

გამჭვირვალე, ყვითელი ფერის სითხე. ფარმაკოთერაპიული ჯგუფი: მეტაბოლური საშუალება.

ათქ კოდი: N07XX

ფარმაკოლოგიური თვისებები
ფარმაკოდინამიკა
ფარმაკოლოგიური ეფექტები განპირობებულია პრეპარატის ციტოფლავინის შემადგენლობაში შემავალი ნივთიერებების კომპლექსური მოქმედებით. ციტოფლავინი ხელს უწყობს უჯრედების აერობული მეტაბოლიზმის აქტივაციას, რაც იწვევს გლუკოზის უტილიზაციის დონის გაზრდას, ხელს უწყობს ცხიმოვანი მჟავების ბეტა-დაჟანგვის დონის გაზრდას და ნეირონებში γ-ამინოერბომჟავას რესინთეზს. ციტოფლავინი ზრდის ნერვული და ჰიალინური მემბრანების მდგრადობას იშემიის მოქმედების მიმართ, რაც გამოიხატება ნეიროსპეციფიკური ცილების კონცენტრაციის შემცირებაში, რაც ახასიათებს ნერვული ქსოვილის ძირითადი სტრუქტურული კომპონენტების დესტრუქციის დონეს. ციტოფლავინი აუმჯობესებს კორონარული და თავის ტვინის სისხლის მიმოქცევას, ააქტივებს მეტაბოლურ პროცესებს ცენტრალურ ნერვულ სისტემაში, აღადგენს დარღვეულ ცნობიერებას, ხელს უწყობს ნევროლოგიური სიმპტომატიკის რეგრესს და ტვინის კოგნიტური ფუნქციის გაუმჯობესებას. გააჩნია სწრაფი გამოსაფხიზლებელი მოქმედება ცნობიერების პოსტნარკოზული დათრგუნვის დროს. პრეპარატი ციტოფლავინის გამოყენებისას ინსულტის დაწყებიდან პირველი 12 საათის განმავლობაში შეინიშნება იშემიური და ნეკროზული პროცესების კეთილსასურველი მიმდინარეობა დაზიანებულ უბანში (კერის შემცირება), ნევროლოგიური სტატუსის აღდგენა და შემდგომ პერიოდში ინვალიდიზაციის დონის შემცირება.

ფარმაკოკინეტიკა
2 მლ/წთ სიჩქარით ინტრავენური ინფუზიის დროს (გაუზავებელ ციტოფლავინზე გადათვლით), ქარვის მჟავა და ინოზინი გამოიყენება პრაქტიკულად მყისიერად და სისხლის პლაზმაში არ ფიქსირდება.

ქარვის მჟავა _ კონცენტრაციის პიკი ფიქსირდება შეყვანის პირველი წუთის განმავლობაში და წყლამდე და ნახშირორჟანგამდე მეტაბოლიზაციის გამო, შემდგომი სწრაფი შემცირებით, კუმულაციის და ფონურ მაჩვენებლებამდე დაბრუნების გარეშე.

ინოზინი _ მეტაბოლიზდება ღვიძლში ინოზინმონოფოსფატის წარმოქმნით და შემდგომში მისი დაჟანგვით შარდმჟავამდე. უმნიშვნელო რაოდენობით გამოიყოფა
თირკმლებით.

ნიკოტინამიდი სწრაფად ნაწილდება ყველა ქსოვილში, აღწევს პლაცენტაში და ლაქტატში, მეტაბოლიზდება ღვიძლში ნიკოტინამიდ-N-მეთილნიკოტინამიდის წარმოქმნით, გამოიყოფა თირკმლებით. პლაზმიდან მისი ნახევრადგამოყოფის პერიოდი შეადგენს დაახლოებით 1,3 საათს, გადანაწილების წონასწორული მოცულობა _ დაახლოებით 60 ლიტრი, საერთო კლირენსი _ დაახლოებით 0,6 ლ/წთ.

რიბოფლავინი _ განაწილება არათანაბარია: უმეტესი რაოდენობა მიოკარდიუმში, ღვიძლში, თირკმლებში. პლაზმიდან ნახევრადგამოყოფის პერიოდი შეადგენს დაახლოებით 2 საათს, განაწილების წონასწორული მოცულობა შეადგენს დაახლოებით _ 40 ლიტრს, საერთო კლირენსი _ დაახლოებით 0,3 ლ/წთ. აღწევს პლაცენტაში და ლაქტატში. პლაზმის ცილებთან კავშირი _ 60%. გამოიყოფა თირკმლებით, ნაწილობრივ მეტაბოლიტის ფორმით; დიდი დოზებით, უპირატესად შეუცვლელი სახით.

გამოყენების ჩვენებები:
მოზრდილებში კომპლექსურ თერაპიაში
– ტვინის ინფარქტი.

– ცერებროვასკულური დარღვევების შედეგები (ტვინის ინფარქტის შედეგები, ცერებრული ათეროსკლეროზი).

– ტოქსიკური და ჰიპოტოქსიკური ენცეფალოპათიები მწვავე და ქრონიკული
მოწამვლების, ენდოტოქსიკოზების, ნარკოზის შემდგომი ცნობიერების დათრგუნვის დროს. ასევე ჰიპოქსიური ენცეფალოპათიების საპროფილაქტიკოდ კარდიოქირურგიული ოპერაციებისას, სისხლის ხელოვნური მიმოქცევის დროს.

ბავშვებში (მათ შორის დღენაკლულებში, გესტაციის ვადით 28-36 კვირა) კომპლექსურ თერაპიაში, ახალშობილობის პერიოდში
– ცერებრული იშემიის დროს.

უკუჩვენებები
პრეპარატის კომპონენტების ინდივიდუალური აუტანლობა, ორსულობა, ლაქტაციის პერიოდი. არ ენიშნება პაციენტებს (ახალშობილობის პერიოდის გარდა), რომლებიც იმყოფებიან
კრიტიკულ მდგომარეობაში, ცენტრალური ჰემოდინამიკის ან/და არტერიულ სისხლში ჟანგბადის პარციალური წნევის შემცირებისას 60 მმ ვწყ. სვ-ზე ნაკლებად.

სიფრთხილით
ნეფროლითიაზი, პოდაგრა, ჰიპერურიკემია. თუ თქვენ გაგაჩნიათ რომელიმე ჩამოთვლილი დაავადება, პრეპარატ ციტოფლავინის მიღებამდე აუცილებლად საჭიროა ექიმის კონსულტაცია.

გამოყენების მეთოდი და დოზირება
მოზრდილები:
ციტოფლავინი გამოიყენება მხოლოდ ინტრავენური შეყვანისთვის, წვეთოვნად, 5-10%-იანი დექსტროზის ან ნატრიუმის ქლორიდის 0,9%-იან, 100-200 მლ ხსნარში
გახსნილი სახით. შეყვანის სიჩქარეა – 3-4 მლ/წთ.

1. თავის ტვინის ინფარქტის დროს პრეპარატი შეჰყავთ დაავადების დაწყებიდან მაქსიმალურად ადრეულ ვადებში 10 მლ მოცულობით 8-12 საათი ინტერვალით 10
დღის განმავლობაში. დაავადების მწვავე მიმდინარეობის დროს ერთჯერად დოზას ზრდიან 20 მლ-მდე.

2. ცერებროვასკულური დაავადებების მოვლენების (ტვინის ინფარქტის შედეგები, ცერებრული ათეროსკლეროზი) დროს შეჰყავთ 10 მლ მოცულობით, დღეში ერთხელ, 10 დღის განმავლობაში.

3. ტოქსიკური და ჰიპოტოქსიკური ენცეფალოპათიის დროს _ 10 მლ 2-ჯერ დღეში, 8- 12 საათის ინტერვალით, 5 დღის განმავლობაში. კომატოზურ მდგომარეობაში შეჰყავთ 20 მლ, 200 მლ დექსტროზის ხსნარში განზავებით. ნარკოზის შემდგომი დეპრესიის დროს შეჰყავთ ერთჯერადად იმავე დოზებით. ჰიპოქსიური ენცეფალოპათიებისას კარდიოქირურგიული ოპერაციების დროს სისხლის ხელოვნური მიმოქცევის გამოყენებისას: ოპერაციამდე 3 დღე, ოპერაციის დღეს, ოპერაციის შემდეგ 3 დღე შეიყვანება 20 მლ პრეპარატი, გახსნილი 200 მლ 5%-იან დექსტროზაში.

ბავშვებში (მათ შორის დღენაკლულებში)

ახალშობილობის პერიოდში ცერებრული იშემიით, პრეპარატ ციტოფლავინის სადღეღამისო დოზა შეადგენს 2 მლ/კგ. გამოთვლილი დღიური დოზა შეჰყავთ ინტრავენურად, წვეთოვნად (ნელა) დექსტროზის 5%-იან ან 10%-იან ხსნარში განზავების შემდეგ (შეფარდებით არაუმცირეს 1:5). პირველი შეყვანის დრო _ დაბადებიდან პირველი 12 საათი; თერაპიის დაწყების ოპტიმალურ დროს წარმოადგენს სიცოცხლის პირველი 2 საათი. მზა ხსნარის შეყვანა რეკომენდებულია საინფუზიო ტუმბოს საშუალებით, 1-დან 4 მლ/სთ-მდე სიჩქარით, რაც უზრუნველყოფს დღის განმავლობაში სისხლში პრეპარატის თანაბარ მიწოდებას, ბაზისური თერაპიისთვის გათვლილი ხსნარების დღიურ მოცულობაზე, პაციენტის ჰემოდინამიკური და მჟავა-ტუტოვანი მაჩვენებლების მდგომარეობაზე დამოკიდებულებით. მკურნალობის კურსი საშუალოდ შეადგენს 5 დღეს.

გვერდითი მოვლენები
მსოფლიოს ჯანდაცვის ორგანიზაციის მონაცემებით არა სასურველი ეფექტები კლასიფიცირებულია თანახმად მათი განვითარების სიხშირისა შემდეგნაირად:
– ძალიან ხშირი (≥1/10);
– ხშირი (≥1/1000-<1/100); - იშვიათი (≥1/10000-<1/1000); - ძალიან იშვიათი (<1/10000); - სიხშირე უცნობია (სიხშირე არ შეიძლება განისაზღვროს არსებულ მონაცემებზე დაყრდნობით). დარღვევები იმუნური სისტემის მხრივ: ძალიან იშვიათად - ჰიპერმრძნობელობის რეაქციები, ანგიონევროზული შეშუპება, ანაფილაქსიური შოკი. დარღვევები ნერვული სისტემის მხრივ: ძალიან იშვიათად - თავის ტკივილი, თავბრუხვევა, პარესთეზია, კანკალი. ფსიქიკის დარღვევა: ძალიან იშვიათად - ფსიქომოტორული აღგზნება (ნერვიულობა, მომატებული მამოძრავებელი აქტივობა). დარღვევები გულის მხრივ: ძალიან იშვიათად - ტაქიკარდია, ხანმოკლე ტკივილები და დისკომფორტი გულმკერდის არეში. დარღვევები სისხლძარღვების მხრივ: ძალიან იშვიათად - არტერიული წნევის მომატება ან შემცირება, ჰიპერემია ან კანის საფარის სიფერმკრთალე სხვადასხვა ხარისხის გამოხატულებებით. დარღვევები სასუნთქი სისტემის მხრივ: ძალიან იშვიათად - გართულებული სუნთქვა, ქოშინი, ასთმა, ყელის გაღიზიანება, მშრალი ხველა, ხმის ჩახრინწვა, პარესთეზია ცხვირში, დიზოსმია. დარღვევები კუჭ-ნაწლავის ტრაქტის მხრივ: ძალიან იშვიათად - სიმწარე, სიმშრალე, უსიამოვნო გემო პირში, ხანმოკლე ტკივილები და დისკომფორტი ეპიგასტრალურ არეში, გულისრევის შეგრძნება, გულისრევა. დარღვევები კანისა და კანქვეშა ქსოვილების მხრივ: ძალიან იშვიათად - კანის ქავილი, გამონაყარი, სახის შეშუპება, ჭინჭრის ციება. დარღვევები ნივთიერებათა ცვლის მხრივ: ძალიან იშვიათად - ტრანზიტორული ჰიპოგლიკემია, ჰიპერურიკემია, ნიკრისის გამწვავება. ბავშვებში (მათ შორის დღენაკლულებში) სიცოცხლის პირველ დღეებში შესაძლოა განვითარდეს ალკალოზი. ზოგადი მდგომარეობის და შეყვანის ადგილის მხრივ დარღვევები: იშვიათად - შეციება, სიცხის შეგრძნება, სისუსტე, სხეულის ტემპერატურის მომატება, ოფლიანობა, ვენის არეში ტკივილი და გაწითლება. არასასურველი ეფექტების თავიდან აცილების მიზნით რეკომენდირებულია დაცულ იქნას დოზირების რეჟიმი და პრეპარატის შეყვანის სიჩქარე. თუკი ინსტრუქციაში მითითებული ნებისმიერი არასასურველი ეფექტი უარესდება ან თქვენ შენიშნეთ ნებისმიერი სხვა არასასურველი ეფექტი, რაც არ არის მითითებული ინსტრუქციაში, შეატყობინეთ ამის შესახებ ექიმს. ჭარბი დოზირება
ჭარბი დოზირების შემთხვევები დაფიქსირებული არ არის. ჭარბი დოზირებისას ტარდება სიმპტომური თერაპია.

სხვა პრეპარატებთან ურთიერთქმედება
ქარვის მჟავა, ინოზინი, ნიკოტინამიდი, შეთავსებადია სხვა სამკურნალო საშუალებებთან. რიბოფლავინი: აქვეითებს დოქსიციკლინის, ტეტრაციკლინის, ოქსიტეტრაციკლინის, ერითრომიცინის და ლინკომიცინის აქტივობას. შეუთავსებადია სტრეპტომიცინთან. ქლორპრომაზინი, იმიპრამინი, ამიტრიპტილინი, ფლავოკინაზას ბლოკადის ხარჯზე, არღვევენ რიბოფლავინის ჩართვას ფლავინადენინმონონუკლეოტიდში
და ფლავინადენინდინუკლეოტიდში და ზრდიან მის გამოყოფას შარდთან ერთად. რეოიდული ჰორმონები აჩქარებენ რიბოფლავინის მეტაბოლიზმს. ამცირებს და ხელს უშლის ქლორამფენიკოლის გვერდით მოვლენებს
(ჰემოპოეზის დარღვევა, მხედველობის ნერვის ნევრიტი). შეთავსებადია იმ პრეპარატებთან, რომლებიც ასტიმულირებენ ჰემოპოეზს, ანტიჰიპოქსანტებთან, ანაბოლურ სტეროიდებთან.

განსაკუთრებული მითითებები
პრეპარატის შეყვანა ახალშობილ (დღენაკლულ) ბავშვებში უნდა განხორციელდეს კაპილარული სისხლის მჟავა-ტუტოვანი მაჩვენებლების მდგომარეობის კონტროლით არაუმცირეს დღეში 2-ჯერ (როგორც თერაპიის დაწყებამდე, ისე პროცესში). შეძლებისდაგვარად, საჭიროა შრატისმიერი ლაქტატის და გლუკოზის კონტროლი.
ახალშობილებში (დღენაკლულებში) ციტოფლავინის შემცველი ხსნარის შეყვანის სიჩქარის შემცირება ან დროებით შეწყვეტა საჭიროა შემდეგ შემთხვევებში:

_ ფილტვების ხელოვნური ვენტილაციაზე მყოფ პაციენტებში შერეული (რესპირატორულ-მეტაბოლური) ალკალოზის ნიშნების გაჩენისას, რომელიც ტვინში სისხლის მიმოქცევის დარღვევის განვითარების საფრთხეს ქმნის;
_ შენარჩუნებული სპონტანური სუნთქვის პირობებში და რესპირატორული ფუნქციის ხელშეწყობისთვის სასუნქ გზებში მუდმივი დადებითი წნევის შექმნის (CPAP) მეთოდით ან ჰაერ-ჟანგბადის ნარევის მიღებისას ნიღბით, მეტაბოლური ალკალოზის ლაბორატორიული ნიშნების გაჩენისას, აპნოეს შეტევების განვითარების ან გაზრდის საფრთხით. ავადმყოფებში შაქრიანი დიაბეტით, მკურნალობა უნდა ჩატარდეს სისხლში გლუკოზის მაჩვენებლის კონტროლით. შესაძლებელია შარდის შეფერვა ღია ყვითლად.

ზემოქმედება სატრანსპორტო საშუალებების, მექანიზმების მართვის უნარზე
ციტოფლავინი გავლენას არ ახდენს სატრანსპორტო საშუალების მართვის უნარზე.

გამოშვების ფორმა
ხსნარი ინტრავენური შეყვანისათვის 5 ან 10 მლ, უფერული ან მუქი შუშის ამპულებში. 5 ამპულა ცალმხრივ, კონტურულ-უჯრედულ შეფუთვაში, კონტურულ-უჯრედული შეფუთვა ღიაა ან თერმულად დაბეჭდილია საფარი აპკით ან ალუმინის ფოლგით; 1 ან 2 კონტურულ-უჯრედული შეფუთვა გამოყენების ინსტრუქციასთან ერთად მოთავსებულია მუყაოს კოლოფში.

შენახვის პირობები
სინათლისაგან დაცულ ადგილას 25 ° C ტემპერატურაზე. ინახება ბავშვებისთვის მიუწვდომელ ადგილას.

ვარგისობის ვადა
2 წელი. პრეპარატი არ გამოიყენება შეფუთვაზე მითითებული ვარგისობის ვადის გასვლის შემდეგ.

აფთიაქიდან გაცემის პირობები
ფარმაცევტული პროდუქტის ჯგუფი II, გაიცემა ფორმა N3 რეცეპტით.

მწარმოებელი:
შპს `სამეცნიერო-ტექნოლოგიური ფარმაცევტული ფირმა `პოლისანი~ (ООО «НТФФ «ПОЛИСАН»), რუსეთი, 192102, ქ. სანქტ-პეტერბურგი, სალოვის ქ., ს. 72, კორპ. 2, ლიტ. A, ტელ./ფაქსი: (812)710-82-25. მომხმარებელთა პრეტენზიები იგზავნება მწარმოებლის მისამართზე.