მენიუ

რემაქსოლი

სამკურნალწამლო ფორმა:

საინფუზიო ხსნარი

შემადგენლობა:

აქტიური კომპონენტები: ქარვის მჟავა – 5,280გ; N-მეთილგლიკოამინი (მეგლუმინი) – 8,725გ; რიბოქსინი (ინოზინი) – 2,0გ; მეთიონინი – 0,75გ, ნიკოტინამიდი – 0,25გ. დამხმარე ნივთიერებები: ნატრიუმის ქლორიდი – 6.0გ; კალიუმის ქლორიდი – 0,30გ; მაგნიუმის ქლორიდი (უწყლოზე გადათვლით) – 0,12გ; ნატრიუმის ჰიდროქსიდი – 1,788გ; საინექციო წყალი 1,0ლ-მდე.

აღწერილობა:

გამჭვირვალე, უფერო, სითხე, სუსტი დამახასიათებელი სუნით.

ფარმაკოთერაპიული ჯგუფი:

მეტაბოლური საშუალება.

ათქ კოდი: A05BA

ფარმაკოლოგიური თვისებები
ფარმაკოდინამიკა

რემაქსოლი® – ბალანსირებული საინფუზიო ხსნარი, ახასიათებს ჰეპატოპროტექტული მოქმედება. პრეპარატის მოქმედებით ჩქარდება ანაერობული პროცესების აერობულში გადასვლა, უმჯობესდება ჰეპატოციტების ენერგეტიკული უზრუნველყოფა, იზრდება მაკროერგების სინთეზი, იზრდება ჰეპატოციტების მემბრანების გამძლეობა ლიპიდების ზეჟანგური ჟანგვისადმი, აღდგება ანტიოქსიდანტური დაცვის ფერმენტების აქტივობა. რემაქსოლი® აქვეითებს ციტოლიზს, რაც ვლინდება ინდიკატორული ფერმენტების დონის დაქვეითებით: ასპარტატამინოტრანსფერაზა, ალანინ-ამინოტრანსფერაზა. რემაქსოლი® ხელს უწყობს ბილირუბინის და მისი ფრაქციების დაქვეითებას, აუმჯობესებს ნაღველში პირდაპირი ბილირუბინის ექსკრეციას. აქვეითებს ჰეპატოციტების ექსკრეტორული ფერმენტების აქტივობას – ტუტე ფოსფატაზას და გამა-გლუტამილტრანსპეპტიდაზას, ხელს უწყობს ქოლესტერინის დაჟანგვას ნაღველმჟავებად.

ფარმაკოკინეტიკა

ინტრავენური წვეთოვანი შეყვანისას შემადგენლობაში შემავალი ბუნებრივი კომპონენტები სწრაფად ნაწილდება ორგანიზმის ქსოვილებში, უტილიზაცია ხდება პრაქტიკულად მყისიერად. მეტაბოლიზმის პროდუქტები გამოიყოფა შარდით და არ გროვდება ორგანიზმში.

ჩვენება

ღვიძლის ფუნქციის დარღვევა მისი მწვავე ან ქრონიკული დაზიანების შემთხვევაში (ტოქსიკური, ალკოჰოლური, წამლისმიერი ჰეპატიტები). ვირუსული ჰეპატიტების კომპლექსურ მკურნალობაში (ეტიოტროპულ თერაპიაზე დამატების სახით).

უკუჩვენება

პრეპარატის კომპონენტების ინდივიდუალური აუტანლობა, ორსულობა, ლაქტაციის პერიოდი, ბავშვთა ასაკი.

სიფრთხილით

ნეფროლითიაზი, პოდაგრა, ჰიპერურიკემია.

გამოყენების მეთოდი და დოზები

რემაქსოლი® შეჰყავთ მხოლოდ ინტრავენურად, წვეთოვნად, დღიური დოზით 400-800მლ-მდე, 3-12 დღის განმავლობაში, დაავადების სიმძიმიდან გამომდინარე. შეყვანის სისწრაფე 40-60 (2-3მლ) წუთში.

გვერდითი მოქმედება

ხსნარის სწრაფი შეყვანისას შესაძლებელია არასასურველი რეაქციების გამოვლენა (კანის საფარის სხვადასხვა ხარისხით გამოხატული ჰიპერემია, სიცხის შეგრძნება, ყელში ღიტინი, პირის სიმშრალე) რაც არ მოითხოვს პრეპარატის მოხსნას. შესაძლებელია ალერგიული რეაქციები, ალერგიული გამონაყარის და კანის ქავილის სახით, რომელიც იხსნება ანტიჰისტამინური პრეპარატების გამოყენებით. იშვიათ არასასურველ რეაქციებს მიეკუთვნება გულისრევის, თავის ტკივილის და თავბრუსხვევის გამოვლენა. ორგანიზმში პრეპარატის მიერ აერობული პროცესების აქტივაციის გამო შესაძლებელია გლუკოზის კონცენტრაციის დაქვეითება და სისხლში შარდოვანას კონცენტრაციის მომატება.

დოზის გადაჭარბება

ცნობები პრეპარატის დოზის გადაჭარბების შესახებ არ არსებობს.

ურთიერთქმედება სხვა სამკურნალო საშუალებებთან

რეკომენდებული არ არის ერთ ფლაკონში შერევა ინტრავენურად გამოსაყენებლ სხვა სამკურნალო საშუალებებთან ერთად.

გამოშვების ფორმა

საინფუზიო ხსნარი 400მლ შუშის ფლაკონებში. ყოველი ფლაკონი სამედიცინო გამოყენების ინსტრუქციასთან ერთად მოთავსებულია მუყაოს კოლოფში.

შენახვის პირობები

სინათლისგან დაცულ ადგილას 0-25ºჩ ტემპერატურაზე. ინახება ბავშვებისთვის მიუწვდომელ ადგილზე.

ვარგისობის ვადა

2 წელი. გამოყენება არ შეიძლება შეფუთვაზე მითითებული ვარგისობის ვადის გასვლის შემდეგ. აფთიაქიდან გაცემის პირობები ფარმაცევტული პროდუქტის ჯგუფი – II, გაიცემა ფორმა N3 რეცეპტით

მწარმოებელი:

შპს “სამეცნიერო-ტექნოლოგიური ფარმაცევტული ფირმა “პოლისანი” (შპს “სტფფ “პოლისანი”). რუსეთი, 192102, ქ. სანტ-პეტერბურგი სალოვის ქუჩა, სახლი 72, კორპუსი 2, ლიტ. ა ტ/ფ (812) 710-82-25.

მომხმარებლის პრეტენზიები მიმართეთ მწარმოებლის მისამართზე.