მენიუ

ალბუციდი-DF

სავაჭრო დასახელება
ალბუციდი-DF®

საერთაშორისო არაპატენტირებული დასახელება
სულფაცეტამიდი

წამლის ფორმა
თვალის წვეთები 20%, 30% 5 მლ, 10 მლ, 15 მლ.

შემადგენლობა
1 მლ პრეპარატი შეიცავს აქტიურ ნივთიერებას – ნატრიუმის სულფაცეტამიდს – 0,2 გ, 0,3 გ. დამხმარე ნივთიერებები: ნატრიუმის თიოსულფატი, ქლოროწყალბადის მჟავას ხსნარი 1 M, საინექციო წყალი.

აღწერა

უფერო ან ოდნავ მოყვითალო ფერის გამჭვირვალე სითხე.

ფარმაკოთერაპიული ჯგუფი
თვალის დაავადების სამკურნალო პრეპარტები. ანტიმიკრობული პრეპარატები.
სულფონამიდები.

ათქ კოდი: S01AB04

ფარმაკოლოგიური თვისებები
ფარმაკოკინეტიკა
ადგილობრივი გამოყენებისას სულფანილამიდების ჩმახ რქოვანაში (დაახლ. 3 მგ/მლ), წინა საკნის სითხეში (დაახ. 0,5 მგ/მლ) და ირისში (დაახ. 0,1 მგ/მლ) მიიღწევა პირველი 30 წუთის
განმავლობაში გამოყენებიდან. გარკეული რაოდენობა (<0,5 მგ/მლ) ინახება თვალის გუგის ქსოვილებში 3-4 სთ. რქოვანას ეპითელიუმის დაზიანებისას სულფანილამიდების პენეტრაცია ძლიერდება. ფარმაკოდინამიკა
ალბუციდი- DF ® – სულფანილამიდური ანტიბაქტერიული მოქმედების ფართო სპექტრის პრეპარატია. გააჩნია ბაქტერიოსტატული ეფექტი, აქტიურია გრამდადებითი და გრამუარყოფითი კოკების, Escherichia coli, Shigella spp, Vibrio cholera, Clostridium perfringens, Bacillus anthracis, Corynebaterium diphtheria, Yersinia pestis, Chlamidya spp, Actinomyces israelii, Toxoplasma gondii-ს მიმართ. პრეპარატის მოქმედების მექანიზმი განპირობებულია პარაამინობენზოის მჟავას კონკურენტული ანტაგონიზმით და დიჰიდროპტეროატსინთეტაზას კონკურენტული დათრგუნვით, რაც იწვევს ტეტრაჰიდროფოლის მჟავას სინთეზის დარღვევას, რომელიც აუცილებელია პურინული და პირიმიდინული ფუძეების სინთეზისთვის. ამის შედეგად ირღვევა ბაქტერიული უჯრედების ნუკლეინური მჟავების სინთეზი (დნმ და რნმ) და ჩერდება მათი გამრავლება.

გამოყენების ჩვენებები
– რქოვანას ჩირქოვანი წყლულები;

– ინფექციური კონიუნქტივიტები;

– ბლეფარიტები;

– თვალის გონორეული დაავადების პროფილაქტიკა და მკურნალობა ახალშობილებსა და მოზრდილებში;

– ახალშობილებში ბლენორეას პროფილაქტიკა;

– ჩირქოვანი გართულებების პროფილაქტიკა თვალებზე ტრავმის ან ოპერაციის შემდეგ.

მიღების წესი და დოზები
თვალების ინფექციური დაავადებების მკურნალობა და პროფილაქტიკა:

– მოზრდილებში თვალში იწვეთება ალბუციდი-DF® 30% ხსნარი 1-2 წვეთი 2-3-ჯერ დღეში, მწვავე ჩირქოვან-ანთებითი პროცესის გაქრობის შემდეგ – 1-2 წვეთი 3-ჯერ დღეში.

– ბავშვებში 1 წლიდან მიიღება ალბუციდი-DF® 20% ხსნარი 1-2 წვეთი 4-5 ჯერ დღეში, მწვავე ჩირქოვან-ანთებითი პროცესის გაქრობის შემდეგ იწვეება 1-2 წვეთი 3-ჯერ დღეში. მკურნალობის კურსი 5-7 დღე. ბლენორეას პროფილაქტიკა ახალშობილებში – თითოეულ თვალში უშუალოდ დაბადების შემდეგ აწვეთებენ 20% ხსნარის 2 წვეთს, შემდეგ 2 წვეთს 2 საათის შემდეგ.

გვერდითი მოქმედება
– გაწითლება, მჭრელი ტკივილი, ცრემლდენა;

– ქავილი, ქუთუთოების შეშუპება;

– ხანმოკლე წვა;

– ადგილობრივი ალერგიული რეაქციები.

უკუჩვენებები
– მომატებული მგრძნობელობა ნატრიუმის სულფაცეტამიდის და პრეპარატის დამხმარე ნივთიერებების მიმართ.

ურთიერთქმედება სხვა პრეპარატებთან
ალბუციდი-DF® არ მიიღება ნოვოკაინთან, დიკაინთან, ანესთეზინთან ერთად ბაქტერიოსტატული ეფექტის შემცირების გამო. დიფენინი, პარაამინოსალიცილის მჟავა, სალიცილატები აძლიერებენ ალბუციდი- DF® -ის ტოქსიკურობას; არაპირდაპირ ანტიკოაგულენტებთან გამოყენებისას იზრდება უკანსაკნელის სპეციფიური აქტივობა. ალბუციდი-DF® ადგილობრივი მიღებისას შეუთავსებადია ვერცხლის მარილებთან.

განსაკუთრებული მითითებები
აუცილებელია მიაქციოთ ყურადღება, რომ ჩაწვეთებისას ფლაკონი-საწვეთურის წვეტი არ შეეხოს სხვა საგნებს ან ზედაპირებს. ჩაწვეთების შემდეგ ფლაკონი-საწვეთური მჭიდროდ
დახუფეთ თავსახურით! ქსოვილების გაღიზიანების განვითარებისას ინიშნება ხსნარები მცირე კონცენტრაციით. პაციენტები მომატებული მგრძნობელობით ფუროსემიდის, თიაზიდური დიურეზულების (ჰიდროქლორთიაზიდი), სულფონილშარდოვანას წარმოებულების (გლიბენკლამიდი), კარბოანჰიდრაზას ინჰიბიტორების (დიაკარბი) მიმართ, შეიძლება გააჩნდეთ მომატებული მგრძნობელობა ალბუციდი-DF® -ის მიმართ.

ორსულობა და ლაქტაციის პერიოდი
პრეპარატის გამოყენება ორსულობის დროს და ლაქტაციის პერიოდში შესაძლებელია იმ შემთხვევაში, თუ სავარაუდო სარგებელი დედისთვის აჭარბებს ნაყოფზე და ჩვილზე რისკს.

პრეპარატის გავლენის თავისებურება სატრანსპორტო საშუალებების ან პოტენციურად
საშიში მექანიზმების მართვის უნარზე
ავტოტრანსპორტის ან პოტენციურად საშიში მექანიზმების მართვისას პრეპარატი მიიღება სიფრთხილით, გვერდითი მოვლენების გათვალისწინებით.

ჭარბი დოზირება

მონაცემები ჭარბი დოზირების შესახებ არ არსებობს.

გამოშვების ფორმა და შეფუთვა
5 მლ, 10ვ მლ ან 15 მლ პრეპარატი პლასტმასის ფლაკონ-საწვეთურში, დახუფული თავსახურით პირველი გახსნის კონტროლით ან პლასტმასის ფლაკონ-საწვეთურებში, დახუფული თავსახურებით. ერთი ფლაკონი გამოყენების ინსტრუქციასთან ერთად სახელმწიფო და რუსულ ენებზე მოთავსებუია მუყაოს კოლოფში.

შენახვის პირობები
სინათლისგან დაცულ ადგილას, 15-25°С ტემპერატურაზე. ინახება ბავშვებისთვის ხელმიუწვდომელ ადგილას!

ვარგისობის ვადა
2 წელი
ფლაკონის გახსნის შემდეგ პეპარატის გამოყენების პერიოდი – 10 დღე. არ გამოიყენოთ ვარგისობის ვადის გასვლის შემდეგ.

აფთიაქიდან გაცემის პირობები
ფარმაცევტული პროდუქტის ჯგუფი III, გაიცემა რეცეპტის გარეშე

მწარმოებელი
შპს “დოსფარმი”, ყაზახეთი, 050034, ალმაატა, ჩაპლიგინის ქ. 3, ტელ: (727) 253-03-88

რეგისტრაციის მოწმობის მფლობელი
შპს “დოსფარმი” ყაზახეთი

პროდუქტიის ხარისხთან დაკავშირებული პრეტენზიების მიმღები ორგანიზაციის დასახელება ყაზახეთის რესპუბლიკის ტერიტორიაზე, რომელიც პასუხისმგებელია სამკურნალო
საშუალების უსაფრთხოებაზე პოსტრეგისტრაციულ დაკვირვებაზე
შპს “დოსფარმი”, ყაზახეთი, 050034, ალმაატა, ჩაპლიგინის ქ. 3, ტელ: (727) 253-07-07, (727)
253-03-88, ელ.ფოსტა: dosfarm@dosfarm.kz